噚日喺北角有間武館開幕，能夠吸引八方喺自己個地盤寫，呢間武館當然唔簡單。首先，佢請到一向雍容華貴嘅利孝和夫人，星期日朝唔去歎茶，紆尊降貴走去馬寶道做剪綵嘉賓。第二係呢間武館嘅會址，係由股壇名人莊友堅捐出。
呢間武館係陳家溝陳氏太極拳香港總會，會長曾卓兒係利夫人嘅太極師傅，聽聞莊友堅一年前認識利夫人，利夫人同佢講開學習「南少林達摩易筋經」對身體健康有好處，重介紹埋自己個師傅畀佢識，三個人嘅淵源就係咁開始。
至於莊友堅，喺股壇可以話冇乜人唔識，佢係專門投資三、四線股嘅中南證券老闆，之不過一般讀者可能對佢嘅前女友比較熟識，咪就係前亞姐陳奕詩囉。
傳真︰2623-9278
電郵︰[email protected]