禮拜六開鑼嘅廣州秋交會，係國際採購盛事，到時將雲集數以萬計買家和參展公司大員。但最慘係今年皮費無得慳唔特止，重要捱貴租：廣州市政府啱啱公布一個壞消息，市內酒店賓館今年房租一律以行業自律，取替政府限價，比起舊年，可以收貴兩成，即係每日貴一百至二百蚊人民幣，住十日就要畀多一、二千蚊，咪話唔肉痛！三星級酒店基本房價都要九百蚊，加咗價就要過千蚊！