城市論壇主持人謝志峰帶同兩個女兒、老婆，噚日做港台同明愛中心合辦「訴心事家庭之愛子方程式：如何提升子女才華」座談會嘅嘉賓，八方到場先知道謝志峰個十六歲乖女謝愷寧原來係英國中學會考（GCSE）嘅十優狀元！𠵱家入咗香港李寶椿聯合世界書院。至於謝太亦好好學，𠵱家喺嶺南大學修讀工商管理系學士課程。
八方見到謝志峰嘅囡囡咁叻，即刻向佢請教吓教女方法。佢就好謙虛咁話，冇特別培訓囡囡，只係鼓勵佢發展自己鍾意嘅嘢，好似溜冰、打籃球等。不過佢講笑咁講，「我都有提醒佢睇住阿爸個銀包嚟學呀！阿爸個銀包有限呀！」謝志峰又話，佢大女同就讀幼稚園嘅細女學費加埋都要成萬幾蚊一個月，都幾重皮。
傳真︰2623-9278
電郵︰[email protected]