「好多人以為識行識走係必然嘅，但其實平凡背後都需要付出，你今日見到佢識行，係佢付出咗好多先可以有嘅成果。」劉太看着因大腦麻痹而行動困難的女兒凱怡，眼神充滿驕傲和希望，「無特別想要佢有咩成就，最大希望都只係想佢十八歲前可以行得穩，唔好再成日跌。」
手腳協調有困難
十歲的凱怡出生時因為早產而接受了兩個月的深切治療，其間可能因細菌感染而使腦細胞受損，導致大腦麻痹（俗稱痙攣），現時手腳協調都有困難。不過，劉太沒有因而灰心，反而給予凱怡更多嘗試機會，「特殊幼兒中心啲人都話佢哋（大腦麻痹患者）揸唔到筷子，但見佢想咪畀佢試囉，初時都搞到天一半地一半，但都由佢繼續試，終於佢都可以自己揸筷子食飯。」除此以外，劉太更讓女兒入讀主流學校、學習跆拳道等，「唔會覺得佢同其他小朋友唔同。」
別人以為凱怡是劉太的負擔，但劉太卻說從女兒開朗、從不放棄的性格，學會樂觀面對一切。她說：「入咗主流學校要寫小楷交功課，佢手腳唔協調寫得好辛苦，但佢無放棄，四個鐘寫一版佢都要寫，𠵱家佢半個鐘已經寫得完一版啦﹗」
慘被同學當怪獸
雖然有家人的支持，但凱怡也曾遇上不愉快的事件。她回憶說：「三、四年級嗰陣，有個同學因為我唔可以一齊跑跑跳跳而唔鍾意我，當我係怪獸咁，但佢咁諗係佢嘅問題，把口生喺人哋度都無辦法。」凱怡年紀小小，已學懂面對別人的冷嘲熱諷。她更立下大志，希望將來到山區教學，「等啲無錢嘅小朋友都可以接受教育。」
記者：趙燕婷
逢周一刊出