混血名模LisaS.、AnaR.和陳沛嘉等昨日在將軍澳新都城行時裝騷，早前盛傳為求壓軸出場，不惜免費行騷的陳沛嘉，昨日再次壓軸出場，她事後否認免費工作，陳沛嘉說：「梗係有收錢啦，model係份工，冇得唔收錢，其實所有工作都係公司安排，啲傳聞我唔會理。」她又否認外傳的隆胸、整容及被問價是非。陳沛嘉更提議推舉琦琦、馬詩慧及翁為德做模特兒界校長。
提到遲到傳聞，陳沛嘉即滔滔不絕，並再次指摘同行，她說：「我永遠早到五分鐘，陳嘉容、李嘉慧佢哋同時間接幾個job，若果遲到冇綵排，出錯都係佢哋自己尷尬囉！每個人遲到都有自己嘅原因，可能交通問題啦。」
即興聞歌起舞
此外，LisaS.與AnaR.行騷時，順着音樂起舞助興，更吸引吳彥祖的fans捧場。完騷後，兩人猶如孖公仔接受訪問，大談學國語的趣聞。
採訪、攝影：JessicaNgan
