「我初初手指力唔夠，燒唔到槍，於是就每日提啞鈴，𠵱家一隻手指可以提起十磅啞鈴。」外表文靜的見習督察陳姿安為了能燒槍，除了勤提啞鈴外，還特地到玩具店購買玩具槍，鍛煉燒槍技巧，「上堂又玩、落堂又玩，無時無刻喺度練囉！」
獲頒授榮譽警棍
見習督察結業班最佳學員──二十三歲的陳姿安昨獲頒授榮譽警棍，現在槍械、泳術、體能等樣樣皆精的她，原來起初卻是不諳泳術。她表示，於學堂初期，感到好辛苦，「又燒唔到槍，又唔識游水，但係一定要學識」，於是每日放學後，她便和同學由黃竹坑警校跑步往淺水灣，之後學習游泳，「𠵱家鍾意咗游水㖭！」她深信只有努力，把握機會才會成功。
在大學時主修繙譯的陳姿安透露，曾當公關半年，之後毅然辭職，選擇投考督察，「當公關就成世都係公關，但警隊工作就唔同，好有挑戰性，有好多工種，好有趣。」她又表示，最欣賞警察的團隊精神，「香港警察團隊精神係好多地方比唔上，以前係睇報紙覺得，𠵱家係真正感受到，亦都因此而好驕傲。」
本報記者