上星期，好多人以為出《蝙蝠俠：俠影之謎》，點知撲個空，卒之要等到今個星期中先到貨，不過其勢不可當，馬上成為本周最熱賣西片DVD。電影故事係還原基本步，講番蝙蝠俠點樣在兒時目睹父母被慘殺，激發他踏遍世界各地以圖尋找力量，對抗各種的不公平事及對那些製造惡勢力的人以牙還牙，好多老戲迷都話故事夠正宗。
記者另外收到風，嚟緊25號重有隻《蝙蝠俠：俠影之謎》特別版推出，應該都係行雙碟，碟的內容可有增刪暫未知，已知嘅係會多送一本《蝙蝠俠》漫畫，估價約在$100-$200，擺明係捉蝙蝠俠迷心理！此外，同期重有一隻《蝙蝠俠》1至4集BoxSet推出，全部行靚聲dts版（之前冇㗎！），估價$300-$400，大家又要破財喇！