梁詠琪（GiGi）昨日穿上短裙，在銅鑼灣出席護膚品推廣活動，連任五年護膚品牌代言人的GiGi獲贈三十多萬元的鑽表。談到感情事，GiGi不否認與男友鄭伊健濃情變淡，並面有難色說：「我哋都想對方好，順其自然啦！」
護膚品牌Fancl推出全新卸妝液，昨日在銅鑼灣舉行推廣活動，請了代言人梁詠琪出席外，四大名模陳嘉容、李嘉慧、周汶錡和楊崢則行騷，展示她們設計代表春夏秋冬四季的化妝袋。
GiGi穿上出自本地設計師張路路手筆的短裙及背心，坐下時險走光，惹來在附近圍觀的fans拍照，GiGi說：「條裙係有啲短，不過放心，我已經打咗底，影到都係打底褲啫！」
獲贈鑽表藏夾萬
與護膚品牌合作五年，GiGi透露每年都獲加人工，今年該品牌二十五周年誌慶，GiGi收到大禮，她說：「佢哋送咗一隻價值三十幾萬嘅鑽石表畀我，我已經放入夾萬。」
GiGi坦言五年裏即使事業低潮期，護膚品牌仍大力支持，她說：「嗰時我同伊健拍拖，佢哋都好support，藝人同廣告商互相幫忙係最開心。」有雜誌報道指鄭伊健早前獨自過生日，女友GiGi卻與友人睇戲，對此GiGi表示睇戲的日子與報道所講不符，伊健生日當天她剛從意大利返港，其後有補祝男友生日。
答情事面有難色
問GiGi與伊健的感情是否由濃變淡？GiGi聞言即面有難色，不肯正面否認，只說：「順其自然啦！」問她是否向好一面發展？GiGi默不作聲，記者再追問，她即說：「由得我啦，我哋大家都想對方好，順其自然啦！」
另一邊廂，鄭伊健昨日到沙田以代言人身份出席佳能相機的展覽活動，提到倪震抱愛貓遮着重要部位拍裸照送給女友周慧敏，伊健表示雖然有與女友GiGi影相，亦欣賞倪震的做法，但不會效法，伊健說：「幾得意，不過唔啱我喎！」
採訪：RitaLeung、HoWingLing
攝影：EdwardChou
