嘉信黃富傑話，西貢輋徑篤一幢單號西班牙別墅，二千一百呎，啱啱以近千二萬易手，呎價超過五千七。 原業主係退出娛樂圈多年嘅小龍女陳玉蓮。 間屋喺九七年高峯期以九百二十萬買入，小龍女一直自住，𠵱家轉手，唔單止去返當年個價，重有賺二百幾萬。買家就係區內用家。 陳玉蓮當年飾演金庸名著《神雕俠侶》劇集筆下不食人間煙火嘅小龍女，形象深入民心。