八方近日頻頻入QE探病,突然發現因腦幹出血而昏迷嘅關廉豪律師(圖)亦喺病房內。怪唔得早前八方喺QE,突然見到好耐冇露面嘅李汝大律師與友人喺病房外等候,見佢哋成個樣,憂心忡忡咁。八方噚日探病時,見到關律師仍處於昏迷狀況,未脫離危險期,不過,手就好似有啲反應。
關律師嘅太太同三個仔亦由英國趕回嚟,日夜守在床邊,用英文同佢傾,希望有用。
為令關律師早日甦醒,同佢相識二十載嘅李汝大除多次前往探病外,好多教友亦曾到場、唱聖詩為關打氣,同埋送花籃,祝佢早日康復。
話說,五十九歲嘅關除咗高血壓外,一直都健康良好冇乜大病,而近期工作亦無大礙。但係日前嘅一個記者招待會上,就突然暈倒,被送入QE急救。八方惟有在此祝佢早日康復,亦叮囑各位朋友健康至上。
傳真︰2623-9278
電郵︰[email protected]