周杰倫噚日喺台北以代言人身份出席「青少年發聲網」宣傳活動，不過睇佢個樣就好似肥咗唔少喎！講到外傳佢會憑電影《頭文字D》入圍今年金馬獎角逐「最佳新人獎」，周杰倫似乎好期待。
唔着白西裝
問周杰倫介唔介意喺頒獎禮上表演，或者同女友侯佩岑再度同台，佢就笑笑口咁話：「我倒是不排斥同台，但盡量不要演出好了，每次只要在《金曲獎》上表演就沒得獎，還有，也不能穿白西裝，之前兩次《金曲獎》穿白西裝都撲空，我還是穿黑色的好了。」
話雖如此，不過睇嚟周杰倫真係好興奮，佢重話：「這感覺就好像第一次參加《金曲獎》，很興奮也很慌。畢竟金馬獎意義很不一樣，但現在都只是報紙寫而己，還得看是否真的入圍。」
提到之前佢喺哈爾濱同深圳嘅巡迴個唱都有人受傷，特別係深圳嗰場重有搭台工作人員意外跌死，周杰倫好無奈咁話：「我一直呼籲歌迷安全很重要，像上次在深圳演唱時，我因太high跳下台，但其實這樣做很危險。」
