香江文化交流基金會主席江素惠同香港電台嘅普通話節目添食，逢周六晚上八至九，繼續數風流人物。訪問名人對於江大姐嚟講易如反掌，但最慘係香港人講得一口流利普通話嘅人唔多。
至於大陸嘅官員就仍未開放，江小姐最想訪問吳儀，結果台灣人成為主要訪問對象，今晚播出董建華妹夫彭蔭剛嘅專訪。
江小姐採訪對象真巴閉，包括馬英九、連戰夫人同連公子、李鵬個女李小琳都喺名單之上，不過要等單案完咗先肯做喎。
江小姐都想訪問煲呔，當時佢以自己唔係名人推辭，咁𠵱家冇得推啦，何況佢啲官話日飛猛進，八方覺得港台應該請佢做人辦，推廣普通話，由高官做起，咁政治正確嘅嘢，佢一定答應。
傳真︰2623-9278
電郵︰[email protected]