早前有周刊刊登模特兒周倩圯（Samantha）訪問，文中指她狂踩周汶錡及爆對方有契爺。前晚周倩圯到中環出席「屈臣氏健與美大賞」時，卻與周汶錡胞妹周麗淇在大會安排做訪問的房間內狹路相逢，二人對望一眼後，周倩圯即尷尬地縮往一邊迴避對方。
周麗淇表示遇周倩圯不感尷尬，她說：「因為唔關我事，又唔知件事來龍去脈。」問她知否胞姊有契爺？她說：「我唔知，冇睇過篇報道，呢啲新聞過一排就冇嘢，報道可能係謠言。」起初周麗淇稱與對方影合照沒問題，後來又說怕合照後惹誤會，令胞姊被人亂寫，故最終兩人沒影合照。
唔尊重女性
不過周倩圯就自稱與周麗淇見面沒有尷尬，又謂沒有爆過別人是非，她說：「呢啲報道好影響我人格，令我好氣憤。」
此外，周汶錡在傳言是非中，昨日仍連走多場行騷。對於周倩圯的言論，表示不願置信，她說：「我都識佢，有訪問點解無現場相啫？唔知雜誌有無挑撥離間，有啲字眼好差！乜嘢『起雙飛』，完全唔尊重全世界女性，佢哋嘅可信性好值得商榷。」
採訪：胡比
攝影：葉君海
