梁詠琪前晚在母校理大舉行演唱會，有指近日網上流傳一男一女在理大校園打野戰片段，她力撐是個別同學事件，但亦希望校友不要在公眾地方這樣做。
梁詠琪（GiGi）前晚在理大賽馬會綜藝館舉行「校友之星梁詠琪演唱會」，玩具大王蔡志明與妻女均有捧場。
疏遠舊男友
GiGi獻唱一首廣東歌時，唱了兩句後竟唱起國語來，她事後說：「近日我喺內地唱國語歌唱得多，唱慣咗。」問她有否跟昔日同學及舊男友見面時，GiGi說：「好耐冇見，因為生活圈子唔同咗。」
前晚GiGi穿上理大校友設計的品牌SiSportSiBoutique演出，她指過往因為屋企太細，所以經常返學校通宵做功課，但試過一次她做功課時聽到怪聲，嚇得她即時走人。
聽到聲即走
近日網上流傳一男一女在理大校園打野戰片段，未知GiGi可曾目睹過類似事件發生？她說：「冇，聽到少少聲就即刻走㗎啦，呢啲係個別例子，唔可以一概而論。」問她可覺得對學校聲譽構成影響，GiGi說：「個別同學啫，希望佢哋唔好喺公眾地方咁做。其實佢哋唔一定係校友，始終理大係公眾地方，好多人都可以喺嗰度出入。」
而GiGi演出後出席母校晚宴，而演唱會及晚宴共為理大籌得二百多萬元。
採訪：李珮洳
攝影：陳偉權
