立法會噚日開始復課，班議員首先選出財委會主席，正如八方所料，卿姐果然喺冇對手之下當選，陳鑑林做副，氣氛一片和諧，全冇火藥味，十分難得，曾慶紅副主席認真好嘢。
一開會，何俊仁就提名卿姐連任，大家四目一看，黃中指冇出現，譚耀宗話冇其他人參選就支持卿姐，結果一分鐘搞掂，好有效率。
之後開內會，達仔喺會前已經偷步開咗記者會講西九，所以喺會上冇問問題，反而喺度寫單張，歡迎佢同張文光嘅老友建築師學會正副主席親臨立會聽西九喎。
原來達仔覺得副主席吳永順好靚仔，所以叫佢做木村拓哉，而張文光就認為主席林雲峰似電車男。佢兩人後嚟喺立法會門前影咗張相，你話似唔似。
傳真︰2623-9278
電郵︰[email protected]