名模馬詩慧昨日穿上黑色tubedress，在中環示範Loffredo珊瑚首飾及珊瑚香水瓶等精品。近期模特兒界是非多，楊崢提議推舉有份量的名模「校長」主持公道，馬詩慧卻無意擔此重任。
馬詩慧豪氣地說：「咪搞，要負好大責任！乜嘢爭企位、遲到、爭衫着，有乜嘢好爭啫？做好本份，你夠sharp，企邊度都有人睇到，大家求財、求開心，唔好勾心鬥角。」馬詩慧又謂當年圈中風氣較今日單純，她說：「可能社會變，人嘅資質都唔同咗！」
自認惡大婆
提到盛傳有模特兒進行不道德交易，馬詩慧說：「呢啲好耐以前已經有，唔係新鮮事。」問她可有被人問價，馬詩慧即笑說：「冇喎！我太惡，唔似俾人包，我係要坐正！」
採訪、攝影：JessicaNgan