個人資料私隱專員吳斌噚日同八方嘅同行食晏，大家自然唔放過機會，不斷追問專員點樣睇政府將公署嘅外訪權「收歸國有」，身經百戰嘅吳斌就一味遊花園，始終唔肯講同政府傾成點。
有人就順帶問曾經係律師會會長嘅吳斌，同呢排被指係詩姐熱門繼任人黃仁龍熟唔熟，吳專員好坦白咁講，同呢位下任律政司頂頭大熱無乜交情，但佢就笑指佢同黃仁龍有一個共通點，就係佢兩位仁兄都無提名煲呔曾做特首。吳專員解釋，當日佢已經被當時做緊署理特首嘅煲呔曾委任做個人資料私隱專員，為咗保持佢嘅身份獨立性，所以邊個都唔提名。佢重話決定退出○七年推選特首選舉委員會，至於佢支唔支持煲呔做特首，專員就無正面回應過。
傳真︰2623-9278
電郵︰[email protected]