李嘉欣、名模陳嘉容及LisaS.昨日為中環的瑜伽新店YogaPlus擔任嘉賓，LisaS.還與一名印度導師即場示範瑜伽。
怕困密室
嘉欣指平時雖然沒有玩瑜伽，但有時間她喜歡做伸展運動，嘉欣說：「其實高溫瑜伽我有玩過，但我有密室恐懼症，所以要我鎖喺一間只有四幅牆嘅密室入面，我會好驚。」
談到舊愛倪震最近將自己一張以周慧敏愛貓遮着重要部位的裸照放上網，記者問她以前有沒有為倪震拍過此類照片？嘉欣說：「咁多年前嘅事，印象就冇，我屋企只有狗，係都用狗，唔會同貓一齊影！其實我覺得自己鍾意就得，呢啲係好私人嘅嘢，影呢啲相係無傷大雅，不過我自己就唔會將私人相擺上網。」
此外，昨晚該店舉行開幕酒會，周麗淇、袁潔瑩與狄波拉夫婦亦有出席，曾經與劉鑾雄傳過緋聞的袁潔瑩昨被記者追問她知否大劉女友呂麗君在倫敦的居所經常有男士出入？她表示：「層樓又唔係買畀我住，件事又唔關我事，點評論呀？」
採訪：何永寧 攝影：陳志嵐
