今年古巨基、許志安及楊千嬅獲選十大傑出青年，被網友質疑得獎資格，李克勤前晚錄影《勁歌》時提到自己未曾獲選，酸酸地表示要向住在加多利山的許志安租房，及與千嬅合作，吸取靈氣。
李克勤、梁詠琪（GiGi）、鄭融和劉浩龍等前晚在將軍澳電視廣播城錄影《勁歌金曲》，克勤將於《翡翠歌星賀台慶》與劉德華擔任男歌星組隊長，並與楊千嬅主持亮燈儀式。
有指克勤今年獲得男歌手獎的機會甚高，他前晚說：「我亮咗四年燈，一個人又試過，同其他人一齊又試過，我攞咗兩年男歌手獎，其實我好使好用，咁啱我又得閒嘛！」克勤表示台慶會與鄭中基（Ronald）一起表演棟篤笑，但他不會刻意拿對方的緋聞開玩笑，克勤說：「Ronald已經好大方，拖住千嬅出嚟唱歌都得，女歌手中我都好少同千嬅合作，有機會會下傑出青年嘛！」
網友彈名不副實
今年演藝界的傑青有古巨基、許志安及楊千嬅，有網友批評傑青已名不副實，羅文、汪明荃、許冠文及四大天王等才是獨當一面、有卓越成就的傑出青年，現在的只是走音的偶像明星。
至於未曾獲選傑青的克勤，似乎有少許酸溜溜，他前晚說：「我係未得過傑青，我住清水灣，唔係住加多利山，傳聞安仔搬入去就攞獎，我問吓佢附近有冇單位出租先，冇嘅話問安仔租間房，我想吸下靈氣。」
克勤又說：「我恭喜佢三個，佢哋實至名歸嘅，可能我攞唔到，係大家覺得我好TVB啦！」問克勤想不想獲選傑青？他說：「冇所謂，我不嬲都話讀書不是求分數，呢啲嘢我冇諗呀，譚生（譚詠麟）都冇攞過，我唔敢攞呀，我攞唔好意思啦！」
GiGi趕及賀伊健
而GiGi日前從意大利返港，趕及為男友鄭伊健慶生日，她說：「多謝公司體諒，呢個安排OK。」問她送甚麼禮物給男友？GiGi說：「喺意大利買嘅，冇乜特別，年年都咁上下，我哋都係食飯送禮物。」
採訪：楊潔雯 攝影：何榮亮
