陳煒早前與陳浩民合作拍攝內地劇集《大清後宮》，首次拍攝出浴鏡頭，大呻感覺並不好受。
強吻陳浩民
陳煒說：「因為拍嗰日場務準備啲水太熱，加上時間好趕，就算加咗凍水都重好熱，我試過水溫以為可以就浸落水，點知加埋啲燈光同喺密室拍攝，我又浸喺熱水度，搞到我差啲唞唔到氣，後來惟有盡快拍完。」
拍罷該場戲後，陳煒的化妝幾乎全部溶掉，故要落妝重新再化新妝，她說：「點知我落咗妝發現塊面臉紅到好似關公咁，要等大約兩個鐘頭紅印退咗先可以重新化過妝。」
此外，陳煒和陳浩民在劇中扮演情侶，她說：「本來有一場戲講我為咗偷番私藏嘅嘢，喺大庭廣眾之下除衫勾引佢，但因為不合情理，所以改為我強吻佢。」
採訪：比華利