下個禮拜一係梅艷芳嘅生忌，阿梅兄長梅啟明噚晚主動聯絡傳媒，話會喺後日同大後日坐車由北角遊行到西環，以及由旺角到尖沙嘴，梅啟明又聲稱喺下個禮拜一朝早九點至中午十二點，會開放阿梅嘅壽臣山道故居畀歌迷入內參觀，唔限人數，等啲人知道阿梅家中值錢嘅嘢已經冇晒，成為一個廢墟。