珈潁出道至今一直以長髮造型示人，感覺如鄰家女孩般，不過近日她刻意改變形象，戒肉成功收身之餘，還剪了一頭短髮，實行改走硬朗女強人路線，不過身邊男性友人都不太受落她的新形象。
珈潁是粵劇名伶謝雪心的女兒，出道五年，一向予人鄰家女孩的乖乖女形象，身材豐滿而皮膚白滑的她，指這些特質與遺傳有關，又笑言自己身形略胖，完全因為她喜歡吃。珈潁說：「我多食齋，唔食肉，可能係咁我皮膚幾好，不過我好鍾意食嘢，我覺得無論係開心唔開心都要食。」
化身成熟大狀
不過珈潁近來為一改肥妹形象，開始更加注意飲食，決定戒鹹，她說：「其實冇乜嘢點戒食，但係我知道之前係水腫，所以我就戒食鹹，少食鹽，咁樣就瘦得好快，比最肥嗰陣瘦咗成十幾磅。」
收身成功後，珈潁更剪了一頭短髮，外形清爽宜人，十足十女強人模樣，她說：「我就是想畀人一個女強人嘅感覺，因為最近我拍王晶套劇《情陷夜中環》，喺入面我係做一個大狀，葉璇就係我徒弟，做一個大狀至少都有成三十歲，我為咗呢個成熟造型，同髮型師商量過，不如剪短啲頭髮。」
男嫌棄女大讚
珈潁續說：「最初我剪嘅時候，我都唔敢剪到咁短，第一次只係剪到去膊頭，點知都係覺得唔夠tough，之後再剪就剪到咁短，十個女仔十個都話好，但係十個男仔十個都話長頭髮好睇，男同女就有呢個分別。」
採訪：楊潔雯攝影：陳偉權
場地提供：海港城
服裝提供：Sisley
