黎姿早前擔任Moiselle代言人，穿上華麗露肩裝坐在舊梳化拍廣告。她揚言平日最愛型格黑白與牛仔褲，早前三十四歲生日的她更希望早遇真命天子，結婚做家庭主婦。
黎姿以代言人身份，為本地名牌Moiselle拍攝全新秋冬廣告。為了配合今季維多利亞宮廷色彩，黎姿穿上華麗織錦大衣、satindress等，對住舊絲絨梳化做表情，拍出復古的華麗格調。
最愛黑白色
對於平日打扮，黎姿卻捨棄華麗服飾，反而最愛以smartcasual打扮示人，她說：「拍廣告當然無問題，做藝人去宣傳，着衫都會揀搶眼顏色。私底下自己其實最鍾意係黑白色，覺得型格。另一樣心水就係牛仔褲，簡單配高跟鞋已經着到自己風格。」
黎姿平日都會睇騷及雜誌吸收時裝資訊，但堅拒跟風抄襲，她說：「以前都會跟足人哋成套衫咁着，或者興乜着乜，𠵱家反而鍾意自己配搭，講究剪裁同布料。」
剛度過三十四歲生日的黎姿，透露生日願望只求工作順利，至於感情事則隨緣，她說：「相士話我今年唔會遇到真命天子，其實我好鍾意家庭生活，若果遇到真心嘅，我都想快啲結婚，樂於做家庭主婦。」
拒嫁圈中人
不過黎姿揚言抗拒與圈中人結婚，她說：「唔想生活圈子太局限喺一個環境，希望與心愛嘅人有更多話題。」
採訪：魯萍、顏英儀
