鍾麗緹前晚以「浪漫大使」身份為護膚品牌Crabtree&Evelyn二十周年晚會宣傳，她穿上價值一萬二千元的性感舞衣在場內穿梭，又與跳舞老師跳舞，更險被對方雙手觸及胸部。
獲贈吊帶睡衣
鍾麗緹說：「我十歲已經學跳舞，今日件衫好難着，我唔怕走光，只怕肚腩會露出嚟，因為我每隔三個鐘就要食一次嘢。」問她與丈夫的感情事，鍾麗緹即迴避地說：「我要走喇，其實分開唔知邊個講，我冇講過，多謝大家關心。我想keep番啲關係畀我哋自己，自然順其啦！」記者指正應該是「順其自然」，鍾麗緹即說：「國語易聽啲，廣東話發音好難，好辛苦！」此外，大會送她一件吊帶睡衣，鍾麗緹卻說最愛舒服的棉質睡衣。
採訪：顏英儀
攝影：陳慧安