楊采妮（Charlie）昨日聯同黎明等，擔任「聯合國兒童基金會青年資訊中心」開幕嘉賓。對於杜琪峯批評劉德華邀請五大影帝合作拍戲救市的言論幼稚，Charlie即力撐華仔，還大讚他致力提攜新人兼勇於在逆市中投資拍戲，非常熱心。
楊采妮昨日聯同黎明、楊千嬅及陳方安生，擔任「聯合國兒童基金會青年資訊中心」開幕嘉賓。
提到導演杜琪峯日前批評劉德華提議由五大影帝合作拍電影救市的言論幼稚，Charlie即力撐華仔謂：「華仔喺一個咁差嘅市道都投資拍戲，而且佢每一次都會提攜新人；杜琪峯都係一個有經驗嘅導演，佢好清楚拍戲嘅計算方式，不過我自己就冇用負面角度去諗華仔呢番說話。」
探望換心女孩
此外，對於入選今屆「十大傑出青年獎」，楊千嬅表示詳情要待稍後舉行的記者會由大會正式公布，她說：「今次係由外邊嘅慈善團體提名嘅，唔係公司推舉。我覺得自己唔係最傑出嗰個，因為重有好多無名英雄。」
她續說：「我認為做善事唔止係畀錢咁簡單，而係要教識有需要嘅人一種生產技能，等佢哋可以終身受用。」
黎明歌迷踩場
千嬅透露早前探訪過一名等候接受換心手術的十三歲女孩，她說：「呢個女仔都係水瓶座㗎，佢好堅強，佢同我講佢嘅願望係同我一齊為卡通片配音。」
其實千嬅日前還前往北京，出席「中國紅十字基金會聘請楊千嬅『愛心天使』簽約授牌儀式」，並成為救助貧困白血病兒童的「小天使基金」之形象代言人，其間她除了探望患有白血病的小朋友外，更為基金會上街募捐，認真出力。
昨日活動舉行期間，十多名黎明的歌迷擅自走入場地，當記者拍照時，更遭他們無禮喝罵謂：「走開啦，我影唔到呀！」還拒絕工作人員的要求離開現場。
採訪：李珮洳 攝影：仇志德
