懷孕七個月的羅霖昨日挺着大肚子示範珠寶，已有兩子、四十一歲的她本已計好日子追個女，但因老公劉坤銘沒有避孕，令她忽然懷孕。羅霖經常頭暈，不能吃避孕丸，所以避孕的責任落在夫婿劉坤銘身上。
澳洲珠寶品牌JanLogan昨日在中環ＩＦＣ開設專門店，特別請來官恩娜、羅霖及名模Rosemary示範珠寶和剪綵。羅霖懷有第三胎後首次亮相，有七個月身孕的她腹大便便，示範珠寶時更熱得胸口冒汗。
上圍升3Cup
羅霖透露夫婿劉坤銘原本不贊成她工作，但談到腹中塊肉時即甜絲絲說：「ＢＢ應該喺聖誕節前後出世，同爹哋嘅生肖、月份相同，都幾特別。今次同以前陀仔唔同，頭三個月好辛苦，可能我四十一歲高齡產婦啦，不過我都好珍惜呢個階段，重諗住拍番輯靚寫真留念㖭，不過唔係唔着衫囉。」
體重增加二十磅，上圍大幅升了三個cup的羅霖被問到胎兒是男或女時，只不停說多謝，她說：「我梗係想要個女，之前重計好晒日子生女，但係忽然有咗，打亂計劃。呢次意外懷孕係老公唔負責任，因為我成日暈，唔食得避孕丸，避孕係佢負責嘅。」
官恩娜憶舊情
而官恩娜示範價值一百五十萬元的珍珠鑽飾，談到珠寶經，她表示沒有收過男仔送的鑽石，官恩娜說：「最特別都係收過九十九朵玫瑰，個男仔話第一百朵咪係我（官恩娜）囉！入行後就好少收花。我𠵱家冇拖拍，個人好乾，惟有睇多啲愛情故事滋潤吓！」官恩娜又表示稍後將夥拍劉青雲拍戲，飾演瘋狂購物狂。
採訪：RitaLeung
攝影：EdwardChou
