有線電視為推廣娛樂台美食節目，特意派遣幾位主持生力軍，踏遍世界各地為觀眾發掘美食，眾主持人之中，以曾擔任主持的李潤庭經驗最豐富，而自稱「A貨吳大維」的洪永城最活潑。
有線電視娛樂台推出飲食節目《活得很滋味》，由吳君如擔任星級主持，與大家分享飲食樂趣，而有線早前亦為節目招募了幾位生力軍擔任主持，走遍世界各地搜羅不同美食、傳統習俗及蒲點等。
難忘番茄節
其中四位主持分別為李潤庭（Eric）、洪永城（Tony）、張仕婷（Trish）和王曉君（Elaine），除了Eric有主持經驗外，其餘三人均為新人，四人的共通點是性格好動，喜歡發掘美食，師兄Eric曾做過新聞台主播及娛樂節目主持，與一眾新人合作，他說：「最緊要唔好畀壓力自己，有壓力之下做乜都會緊張，今次呢個節目唔同報新聞咁正經，我可以用啲輕鬆手法同大家分享。」
停機繼續食
而初出茅廬的Trish和Elaine對工作充滿期望。Elaine曾在美國留學，又在當地參加過旅遊大使比賽，回港後便投身有線主持行列，雖然短短幾個月，但有過很難忘經歷，她說：「記得一次西班牙番茄節，有四萬人喺街上掟番茄，好瘋狂，體驗到唔同國家文化係最寶貴。」
Trish則往往在拍攝時最喜歡試食，她說：「通常cut咗機我都會繼續食，所以啲工作人員成日話我慳家，因為係新人，所以有時都會NG，初時都驚俾人鬧，但好彩都冇。」
Tony則在四人中最年輕，他自稱為「A貨吳大維」，Tony表示在無心插柳之下加入有線，但漸對工作增加興趣，雖然節目上幾位主持均是初哥，但Tony卻對大家充滿信心。
採訪：卓寶花攝影：陳偉權
場地提供：Theplace（朗豪坊）
