張家輝與古天樂在《黑社會》電影中以配角出現，兩人都不介意戲份少，他們在戲中是同門的黑幫分子，其中一場戲是講述家輝與古仔被仇家淋油兼追殺，弄得頭髮與全身都是白油。
杜琪峰導演、梁家輝、任達華、古天樂與張家輝等主演的《黑社會》於本月二十日上映，該片很寫實地揭露了黑社會鮮為人知一面。
雖然《黑》片主要是華仔與梁家輝戲份為主，其他演員戲份雖少，但一樣可以有發揮，好像家輝在該片只是配角，但他的角色十分搶鏡，有一場他與古天樂被人淋油，然後與仇敵在街頭血戰場面時，兩人共同殺敵，而整場戲家輝演戲表現更備受讚賞。
返到屋企大清洗
張家輝知道試映後外界反應不錯，他接受電話訪問說：「其實今次真係要多謝杜琪峰，因為佢畀到一個有發揮嘅角色我做，喺部戲入面，我嘅戲份雖然唔係好多，但每場戲都有戲畀我做，我覺得已經好足夠，嗰場俾人淋油嘅場面，我俾仇家成把大刀插咗喺膊頭度，然後走咗上古仔架車度先拔走去。呢場戲我同古仔都俾人淋到成身係白油，當時收工返屋企都要大清洗。」
不在意戲份多寡
古仔強調自己在《黑》片絕非在片末才出一個鏡頭，雖然是配角戲份，但能夠拍到一部好戲，他反而不在意戲份多寡，最重要是影片出來能叫好叫座。最近他正為下集《以和為貴》收尾，估計電影可在本月中煞科。
