昨日講過潺菜係不起眼，但係對腸胃就好有益。其實羊角豆都係同樣咁有益，計起上嚟價錢重平，一般超市大概係17至18蚊一盒，有8、9條，我自己種的就賣12蚊半斤，數量上差唔多。羊角豆啲花白白哋，細細哋，開花時一片白好靚，Amanda每次看到漂亮的白花，就好開心話又可以整佢家鄉，即係菲律賓一味由六種菜炒埋一碟，好好味嘅Pinakbet嚟食。呢六種菜分別係羊角豆、矮瓜、苦瓜、南瓜、豆角、番茄，對於我和阿標這些吃菜狂的人來說，簡直係最豐盛的菜式。做法亦都好簡單：先落適量植物油、蒜頭、洋葱，將六種菜倒埋一齊炒，炒兩炒之後再加一種菲律賓魚仔醬Bagoong，兜兩兜就可以食得。Bagoong味道有點鹹鹹哋，一般賣菲律賓食物的雜貨店就有得賣，食落有啲似蝦醬，所以如果你買唔到Bagoong，可以用蝦醬代替，一樣咁好味！