劉德華和楊采妮（Charlie）早前於上環拍攝電影《再說一次我愛你》外景，華仔在酷熱的天氣下穿上皮褸，汗流浹背；Charlie則穿上高跟鞋跑樓梯數十遍，更要邊哭邊走，二人拍攝近十小時之後疲憊不堪。
劉德華和楊采妮早前於酷熱的天氣下拍攝電影《再說一次我愛你》外景，劇情講述華仔要求Charlie原諒，希望重修舊好，故此二人要在上環一長樓梯不停來回數十遍。
雖然當日天氣酷熱，但華仔卻要穿上皮褸，而Charlie穿上大了一個碼的高跟鞋，所以她在樓梯跑上跑落數十遍之後，即嚷着收工後要去做腳底按摩。
跳舞消除煩躁
華仔不用埋位時，立刻脫下皮褸吹風扇散熱，由於酷熱天氣下在戶外開工，較易煩躁，華仔為令自己保持心境開朗，更即場跳舞自娛一番，華仔說：「其實呢個係我keep住心情嘅方法，有時長時間工作，個人未免會有少少煩躁，所以我就會跳舞，畀自己輕鬆一吓！」
首次與Charlie合作的華仔對拍檔的演技讚不絕口，因為當日Charlie要一邊走一邊哭，拍攝前她卻不需時間培養情緒，一埋位便可即時哭出來，就算導演喊停，Charlie依然淚如泉湧。事後華仔大讚Charlie說：「我自己拍喊戲都要時間培養感情，但Charlie話嚟就嚟，重喊到收唔到掣，簡直同開水喉一樣，唔怪得之咁多人話女人係水造㗎啦！」
感謝街坊支持
華仔還表示要多謝一班街坊的幫助，拍攝工作才得以順利完成，他說：「由於我哋拍戲嗰度有民居，又多行人，一開始拍又要截人，又要截車，但係一班市民都冇埋怨，而且好靜咁等我哋拍晒先，所以我都要好多謝佢哋咁幫手。」
