電影圈近年不景氣，成龍早前指香港電影界不團結，爛片當道，劉德華亦計劃夥拍四大影帝拍片救市。雖然兩人提出救市想法，不過引起的爭議卻愈演愈烈，黎明更因五大影帝中不包括自己，而顯得酸溜溜。
繼早前吳思遠指劉德華的救市構思不可能令香港電影「翻生」之後，昨日又有報道指杜琪峰炮轟華仔和成龍想法幼稚，又不了解市場運作。杜琪峰指香港電影創作空間狹隘，電影人又群起打入內地市場，是電影工業衰敗的原因。
「演唱會似做私房菜」
黎明昨日出席公益金活動時，提到劉德華的「五大影帝救市論」時說：「我冇乜嘢睇法喎，五個影帝吖嘛，都冇我個名。觀眾選擇睇乜嘢電影，自然就係一個機會，大家做番自己應該做嘅事就得啦」。
黎明又提到下星期舉行的演唱會已接近爆滿，問到演唱會有何內容時說：「今次就好似做私房菜咁，預備一份setdinner，買咗飛咪入去睇吓囉。每個歌手形象都唔同，就即係有人賣西餐或者其他，各適其適，只不過我賣私房菜。」他又說演唱會已構思了第二部份，不過要視乎明年檔期而定。
華仔自認童言無忌
此外，昨日華仔到港台接受《開心日報》訪問，對於杜琪峰的批評，華仔沒有生氣，更非常識做為自己的兩套新片《童夢奇緣》及《再說一次我愛你》大賣廣告，他說：「《童夢》嘛，自己都係童言無忌啫，總之有意念係好，我都係愛電影嘅人之一，自己唔會受打擊，我都係講吓，而且亦都可以有新聞見報，亦都可以幫《童夢》做宣傳，相信阿杜係想《再說一次我愛你》，都係愛之深，責之切。」而華仔更自爆前日見到杜琪峰時，對方亦當面指他「亂咁噏」。
至於成龍發表的「抗韓言論」惹來甚大迴響，華仔坦言聽到成龍之言都大感迷惘，他說：「自己對任何國家都唔會抗拒，各地人都有佢嘅特色，相信大家合作都會擦出火花。」
採訪、攝影：駱華齡、藍文浩
