鄭秀文前晚到港大出席《長恨歌》座談會，與學生有講有笑，相當風騷。但她日前接受電台訪問，談及前男友許志安獲選傑青時，指對方在事業不算如意時仍有心機做善事，似褒還貶，字字有骨。
鄭秀文（Sammi）與導演關錦鵬前晚在香港大學黃麗松堂出席電影《長恨歌》的座談會，由比較文學系張美君博士做主持，約有三百位學生出席。
骨女都捧場
席上有學生問關錦鵬為何找Sammi拍《長》片，更有學生指張曼玉較適合演出王琦瑤一角，關錦鵬回應說：「當初我開拍《阮玲玉》搵張曼玉做，一樣咪有人話應該搵梅艷芳做，𠵱家開《長恨歌》同樣有人講呢番說話。我其實好佩服秀文，佢已經好努力去演出，但當然唔可以一步登天。」鄭秀文被問到會否介意別人拿她與張曼玉比較時說：「每個人可以有唔同意見，我唔會介意。」
主持人早前在澳門看到一個桑拿室的宣傳海報，海報中的桑拿女郎正拿着《長恨歌》畫集欣賞，前晚主持人將此海報供給全場觀看，Sammi與全場學生看後不禁大笑起來。
座談會結束後，Sammi說：「啲大學生有好多問題，初時以為好難答，但實際都唔係咁困難。個現場氣氛都幾輕鬆，以後希望可以有多啲類似活動出嚟。」對於該片票房在中港兩地均失利，她說：「票房差係預咗，因戲種問題。」
決心搞公益
而Sammi日前到商台接受訪問時透露，已恭賀前男友許志安獲得「十大傑青」，她更表示以他作為學習的榜樣，積極做公益。Sammi說：「對於佢嚟講絕對係好事，做社會服務我真係少過佢好多，嚟到呢個case，我覺得係一個反省，作為佢唔係喺一個事業最好嘅階段，重要有心機去做咁多公益嘅嘢，對於我嚟講係一個好好嘅反比，我會努力。」
採訪：魯萍、娛樂突發組
攝影：何榮亮
