梁朝偉昨日出席在中環舉行的「滙豐HarveyNichols卡發行儀式」記者會，他獲頒發此張信用卡，並成為全亞洲的首位持卡人。問偉仔會否申請一張附屬卡給女友劉嘉玲？偉仔說：「唔係話你畀就畀，要有人邀請你至得，不過我冇畀過附屬卡嘉玲，我阿媽就有畀，呢啲其實冇乜所謂。」
做和事老息罵戰
劉德華說希望集合五大影帝合作拍片，此話遭杜琪峰指摘太幼稚，偉仔希望事件不要演變成罵戰，他說：「每個人都有自己諗法，如果諗法係一樣，呢個世界就唔會有戰爭同衝突，華仔出發點都係為香港電影好，我唔希望件事變成罵戰，任何事都冇話啱定錯。」
但對於結合五大影帝合拍一片的建議，偉仔卻不表支持，他說：「如果搵五個巨星拍，不如五個人各拍一部，可以有多啲人開工，造就更多就業機會。」
採訪：魯萍 攝影：陳慧安