十月十日是梅艷芳的生忌，昨日草蜢成員蔡一傑獨自帶備鮮花、香燭和水果，現身九龍塘的省善真堂，拜祭梅艷芳。只見他低頭誠心對着阿梅靈位上香，似是有很多話要跟阿梅說。拜祭完畢，傑仔還叮囑省善真堂內的工作人員多加照顧阿梅。
傑仔表示：「我哋之後就開始排練，唔可以出席到歌迷或者四海一心搞嘅儀式同活動，所以我提前拜阿梅。阿梅係十號生日，我就買咗十支黃玫瑰送畀佢。」傑仔拜祭阿梅前，亦分別拜祭母親和羅文，他悲傷地說：「今次開演唱會都遇過好多風波，但係我知籮記（羅文）同阿梅都一直默默支持我哋。佢兩個係我恩師同師祖，受人恩果千年記，希望可以將佢哋嘅舞台功架、舞台精神同佢哋演繹嘅妖，全部喺台上發揚光大。」