永泰就快推出西貢新盤溱喬，市場人士話，唔少準買家連日嚟急不及待，想一睹真面貌。各間代理高層已經先睹為快，聽聞，中意控股執行董事兼副主席林岱，噚日下晝實地參觀，好似有啲興趣。 溱喬以私隱度高，地段似私人半島做賣點，同市區分層住宅客源唔同，都算獨特。除咗溱喬，聽講林岱用咗二千一百八十三萬，買咗兩間大角嘴一號銀海第八座高層相連戶，呎價一萬零八百。