美股凍親，港股傷風。恒指一跌就係221點，退到15161。33隻恒指股，只有中電（002）與德昌（179）企硬。1隻中移動（941）唔見1.30元，就已經拖低恒指82點。
恒指有咁嘅波幅，恒指C輪與P輪自然大上大落，升幅（P輪）與跌幅（C輪）15-20%，等閒事。計算佢哋理論升跌幅，好容易。以C輪為例，假設恒指跌2%，隻輪理論跌幅係槓桿率乘2%，然後再乘對沖值，得出結果係下跌%。另1個更簡單公式，就係恒指跌幅%乘有效槓桿率。餘此類推。
恒指P輪9476：明年2-3月到期最熱門恒指P輪係9476、9633、9281、9448與9256。如果繼續睇淡個市，5件中最佳選擇係9476，明年2月尾夠鐘，輪價19仙，溢價2.5%，槓桿率18.6倍（有效10.3倍），引伸波幅16.9%。估計恒指唔會跌破萬五點，恒指若太低，P輪博唔過。
恒指C輪9601：明年2-3月夠鐘熱門恒指C輪係9372、9595、9378、9601與9375。如果認為個市有彈升機會揀1件炒炒，9601係理想對象。理想買入價係恒指喺萬五邊邊，博大關守得住。隻輪嘅數據，載喺走勢圖裏便。
章盛