台灣嘅口香糖市場一年有一百二十億日圓（逾八億港元）。亞洲最大口香糖製造商日本樂天，當然唔會放過，樂天昨在台灣大搞記者會，公布成立台灣分公司，兼推出含百分百木糖醇的口香糖，總經理吉永昭二解釋，之前無入寶島，係因為當地市場競爭太激烈，直到現在研發出這款新產品才打入去，目標係喺二○○七年取得龍頭地位。木糖醇係一種唔會導致蛀牙的甘味劑。