成龍（左）日前接受商台錄音訪問，大叫囝囝房祖名（右）拍多啲拖，學吓阿爸當年喺六、七個女朋友當中揀中林鳳嬌，成龍話：「追女仔唔好做觀音兵，同一時間交多幾個女友，你去揀吖嘛，有老竇、有老母喺度幫你眼，阿嬌都係咁揀番嚟㗎咋。」成龍重提到已經賣晒所有物業，而喺淺水灣嗰間六萬呎新屋，單單自己間房就有二萬幾呎，個仔嗰間都有萬五呎，裝修都要成兩年。