澳門新盤焦點，肯定係中國海外黑沙環寰宇天下，幾乎日日都有新消息，噚日中海發稿，話有個法籍買家，一口氣買入兩個高層園景單位，呎價三千零五十，創新高。發展商原先目標價係兩千，咁睇，中海賣樓收益，會比預期高好多。 屋苑計落有十幾個國家嘅客入市，連埋本地就係十五個，較少見應該係印度及以色列。樓盤第日入伙，睇怕最難做係管理員，唔知點同住客溝通。中海又有乜計呢？