【本報訊】無綫法律節目《百法百眾》再引起爭議，前晚一集提出荒山野嶺玩打野戰遊戲是否合法，嘉賓律師認為沒有犯法，但漁護署則澄清，在大部份是荒山野嶺的郊野公園玩野戰遊戲屬違法。香港律師會及無綫均否認誤導，有業餘射擊專家批評兩機構的言論不負責任。 記者：蔡元貴
引起爭議的片段中，四名男子在荒山野嶺玩打野戰遊戲，嘉賓律師關惠明認為他們沒有犯法：「喺彌敦道就一定唔得，野戰就梗係野嘅，你喺郊外打就基本上啱咗一大半㗎嘞，如果好似個片段咁，揀啲完全冇人嘅地方，咁就一定係唔犯法。」
漁護署前晚立即在網站澄清，引述《郊野公園及特別地區規例》指出，任何人未經批准不得在郊野公園內攜帶、管有或使用任何獵捕或陷阱類器具或任何槍械。換言之，在郊野公園玩野戰遊戲屬犯法，最高可罰款二千元及入獄三個月。
律師會刪部份答案
香港律師會昨晚在網站上載了關惠明在該集《百法百眾》中的答案，但關所說的「揀啲完全冇人嘅地方，咁就一定係唔犯法。」一句則被刪去。關惠明昨辯稱：「個片段冇話係郊野公園，漁護署冇錯，我亦冇錯，大家講緊兩樣嘢。」律師會發言人亦強調，片段中沒有說明是郊野公園，就不可妄自揣測是郊野公園。
漁護署郊野公園護理主任魏遠娥指，香港有四成土地已劃為郊野公園，佔去大部份荒山野嶺，「香港嘅郊野公園包括咗好多荒山野嶺，呢啲地方並唔係冇王管。」
無綫：會考慮澄清
其實在節目錄影期間，現場曾有觀眾提出過郊野公園禁止野戰的問題，主持人鄭裕玲曾回答片段中的地方並非郊野公園，不過節目播放時卻刪去有關對答。無綫外事部副總監曾醒明辯稱：「我哋特登刪去呢啲對白嘅，不過如果有需要，我哋都會考慮喺日後嘅節目中澄清。」
香港射手聯會會長黎永權炮轟無綫及香港律師會誤導市民，要求兩個機構公開澄清，「雖然節目冇講明嗰度係唔係郊野公園，但係你冇講明，淨係話荒山野嶺打野戰冇問題，市民就會有錯覺，以為逢荒山野嶺就可以打野戰，咁樣好唔負責任。」
