近日有報道指周汶錡和妹妹周麗淇（Niki）「起雙飛」的富豪飯局價高達五百萬，Niki昨日在灣仔行騷時斥有關報道肉酸和侮辱女性，她表示自己有工作能力及喜歡食屋企飯，堅拒與陌生人食飯。
西武昨日在灣仔星街舉行○五秋冬時裝騷，展示旗下品牌如MoschinoCheap&Chic、RebeccaTaylor和PaulSmith等八十多套新裝。周麗淇打頭陣兼壓軸出場，表現輕鬆自如。
EQ高唔會嬲
早前有雜誌指Niki與胞姊周汶錡「起雙飛」的富豪飯局價高達五百萬，Niki昨日對此回應說：「起雙飛係一個問號囉！若果係佢哋所講嘅唔正經意思，就真係好肉酸、好侮辱女性。我試過『起雙飛』，係拍劇分腿跳嗰種『雙飛腿』。我唔係一件貨品，唔好畀個價錢我，我有工作能力，唔一定要富商先生活到。」
問Niki是否因事件涉及胞姊，所以特別動氣，Niki說：「唔會影響，我哋EQ高，唔係憤怒青年，一笑置之。」她續說：「飯局點解要咁多錢啫？我最鍾意食屋企飯，出外做嘢都有飯盒食，我唔會同陌生人食飯，正常人都唔會啦！」
名模堅拒白做
此外，曾公開指有名模遲到的陳沛嘉，被雜誌踢爆自薦免費行JPG騷，換取打頭陣及壓軸出場，但卻遲到。昨日有份行西武騷的AnaR.及曾與陳沛嘉傳不和的陳嘉容，異口同聲表明不會免費行騷，陳嘉容說：「冇可能唔收錢，模特兒收入就係行騷，模特兒都要食飯、搭車。」AnaR.則說：「呢個係人哋嘅選擇，不過冇錢收我寧願留喺屋企做家務，或者留番做私人時間，而且我唔鍾意第一個出場，好尷尬嘅！」
採訪：RitaLeung
攝影：ChenWaiOn
