大陸刮起韓風，女人都想有長今咁嘅美貌，所以唔少女士都趁住假期做個小型美容手術。剛剛整完容通常都唔見得人，長假期去整就可以避免「水腫期」嘅尷尬，所以有啲美容院兩個禮拜前已經排滿期，比平日多兩三成「生意」。大陸美容業發展迅速，𠵱家去皺、除眼袋、拉面皮嘅手術已經愈來愈多人接受。