○三年世紀疫症沙士之後，特區政府特登撥十億元重振香港經濟活力，其中重頭戲係由美國商會搞個使成一億元嘅維港巨星匯，點知搞到一鑊泡，特區政府嘅投資推廣署梗係責無旁貸啦。
八方聽聞，投資推廣署噚日就向立法會提交文件，交代埋一啲手尾，話佢哋將個巨星匯製作特輯拎咗去鳳凰衞視喺二月時播咗三日。雖然人哋鳳凰衞視明明話冇做收視紀錄，點知呢個部門依然死撐，竟然引用鳳凰唯一有做紀錄嘅星期日早上、收視率係三十萬人次作參考，但係鳳凰幫佢播嘅三日都冇星期日，點可以用嚟比較㗎？
投資推廣署又搵咗旅發局幫佢哋輯錄部份片段喺宣傳片度，展示表演場內座無虛席，但係片中就冇任何藝人，真係令人啼笑皆非。
傳真︰2623-9278
電郵︰[email protected]