想知道一個屋苑成交暢旺與否，最有用係睇流通比率，尤其係投資者，屋苑愈活躍，可以短期內轉手嘅機會愈高。
中原地產就計過，九月份各大屋苑流通比率，元朗YOHOTown以一點五巴仙居首位，以屋苑有二千二百個單位計算，即係話有三十三宗買賣。上個月更加係大躍進，由八月份嘅零點七七巴仙，大幅攀升，證明成交愈嚟愈活躍。
第二位土瓜灣傲雲峰，流通比率一點三一巴仙，第三位荃灣朗逸峯，一點一七巴仙。
連埋長沙灣宇晴軒及昇悅居，頭五位都係新樓，可見呢類屋苑，二手交投確實比傳統屋苑優勝，兼且受投資者歡迎。
電郵地址：[email protected]