國慶雖然已經過咗好幾日，但係慶祝活動仍然不停，煲呔噚日傍晚就去到香港會議展覽中心，出席香港體育界國慶酒會，畀足面港協暨奧委會會長霍震霆，祝完酒成班年輕運動員變晒特首嘅小擁躉，爭住同煲呔影相，煲呔當然歡迎之至啦。
煲呔忙得咁開心，冇所謂啦，唐唐就慘啲，因為佢隻腳雖然已經冇咁腫，但係仍然唔可以着鞋住，佢對拖鞋都好時興啫，好多女士都着嚟上班，冇人有意見。八方都希望唐唐早日好番，因為佢下星期三聽完煲呔讀佢首份施政告後，即晚就要飛美國三藩市，同廣東省省長黃華華會合，一齊去推銷香港喎。
傳真︰2623-9278
電郵︰[email protected]