劉德華昨日到新城電台接受訪問，對於有報道指許志安自從搬進加多利山與華仔為鄰後，事業運上升之餘，更獲選為香港十大傑出青年，華仔說：「唔好將佢得獎嘅因由放喺風水度，如果佢真係攞到，咁嗰度可以叫做『傑青嗰道』，人哋問起住邊，咪可以答佢『傑青嗰道』囉！」
舊愛感欣喜
另一方面，鄭秀文（Sammi）昨日到商台做訪問，問她會否致電恭喜舊愛安仔成為傑青？她說：「咁呢件係值得開心嘅事。」會否和他食飯慶祝？Sammi說：「唔答呢啲問題。」
問Sammi有否想過自己何時會獲選傑青？她坦言道：「我重要向佢（指安仔）好好學習，相信得到傑青要經過好多甄選同評審，我冇佢咁勤力，我嘅努力放喺電影方面。」有傳安仔將加盟東亞與Sammi做同事，問到二人會否再次合唱？Sammi說：「我冇咁諗過喎，相信佢嘅歌迷都期待好耐，佢轉新公司都係新氣象。」
採訪：王連連、胡比
攝影：陳志嵐