郭羨妮、楊思琦及歐陽震華等一眾劇集《翻新大少》演員，昨日到北角明慧幼稚園，出席「翻新環保從小起」宣傳活動。只見郭羨妮與幼稚園生玩得非常投入，她表示近年開始喜歡小朋友，還有意借種生仔。
郭羨妮說：「到最後都搵唔到另一半先會考慮，當然要搵啲極度優良嘅血統，不過一定唔會揀圈中人，同圈中人拍拖都唔可以正常發展，根本唔健康。」
提到前日一名空姐殺死同樣任職機艙服務員的男友後，再殉情自殺，曾是國泰空姐的郭羨妮表示十分惋惜，她說：「我以前嘅男友都係空中少爺，其實佢哋都咁後生，咁做好不智。」
教小朋友似湊仔
畢業於教育學院的思琦，昨日甚受小朋友歡迎，思琦說：「我冇正式教過書，不過喺小學實習過，其實教低年級學生都好似湊仔，佢哋都會賴尿同唔舒服，都要搵校工幫手。」
採訪：卓美娟
攝影：陳偉權
