張錦程去年二月與張延共諧連理，愛女張小小今年七月呱呱墮地，轉眼已經三個月。初為人父的張錦程因為忙於工作，甚少時間湊女，而太太張延懷孕期間暴肥五十磅，幸獲纖體公司贊助收身，但就要簽下一年內不可懷孕的合約。
張錦程榮升爸爸已有三個月，由於其女兒張小小出生的時候，正值他接拍電影《上半心、下半身》，還首次擔任導演一職，所以這數月來只是換過兩次尿片，及一次餵奶，令他感到有點慚愧。
昨日張錦程接受電話訪問時說：「我每日只係見佢兩至三個鐘，𠵱家做緊套戲嘅後期，月尾會好啲，到時我會努力惡補喇！上次餵奶，佢好似玩我咁，喺度扮食緊，後尾我太太餵番，佢又食喎，可能佢蝦我啦！」
真名不便公開
張錦程表示女兒長得十分可愛，最近還開始牙牙學語。談及女兒的名字時，他表示「小小」只是女兒的乳名，真實名字暫不便公開。他說：「因為雙方家長都唔希望將小女嘅真名公開，話要等佢大啲先透露，話咁會對個女好啲。」
一年內不能懷孕
到太太張延，她在懷孕時體重增加了五十磅，所以早前有纖體公司主動贊助她瘦身。療程已開始了個多星期，成功減了約八磅左右。
張錦程說：「佢生完都好肥㗎，不過好得意，佢好似一個打咗氣嘅公仔，肥到脹卜卜，𠵱家就慢慢減。不過纖體公司就喺合約寫明一年內唔可以再懷孕，所以要等遲啲先再追多個。」
採訪：馮美茵
