譚小環日前與謝婷婷的模特兒男友JayAlexander合作拍攝新一輯皮膚護理廣告，當日衣着極性感的小環與赤膊的Jay在南丫島上又攬又抱，Alex更奉旨一親香澤，小環並笑說：「過程之中都好享受㗎。」
譚小環日前為擔任代言人的Bella皮膚護理中心拍攝新一輯廣告，為配合白滑肌膚零距離接觸的主題，廣告商特邀請謝婷婷的模特兒男友JayAlexander，與她共組情侶檔拍攝廣告。
大晒滑溜肌膚
當日廣告商拉隊到南丫島開工，由於小環要大晒滑溜肌膚，故分別穿上七套泳衣及性感裝束，而Jay則要赤裸上身，與她在十二個小時內一同拍攝攬攬抱抱的親密鏡頭，其間二人應攝影師要求身貼身擁抱，Jay更被安排吻小環臉頰，表現甚為親暱。
對於與婷婷男友親熱拍廣告，小環昨日在電話中說：「我之前唔知㗎，嗰日大家都係第一次見，後尾拍完啲人至同我講，話佢係婷婷個男友，佢哋話驚之前講咗會有啲避忌。其實佢都好專業，大家warmup完，傾吓偈，拍時都係遵從攝影師要求，都唔會有乜顧忌，係拍得好自然，氣氛都好輕鬆。」
勁讚靚仔專業
問小環與Jay如此親密是否好feel？她即笑說：「同靚人合作梗係有心機啲啦，雖然冇愛火花擦出，但過程之中都好享受㗎。」至於對Jay有何印象？她說：「好好、好專業、好靚仔，人又nice，好健談呀。」
小環又表示以前拍攝第一輯廣告時身形太瘦，所以這次故意狂食消夜增肥，並成功長肉五磅，令她穿上性感裝束時也增添自信。
採訪：朱倬誼
