湖流興玩Crossover，特別係各大Fashion品牌，最鍾意「交叉走位」推出限量產品。估唔到甜品都可以玩Crossover，用傳統老點做甜品材料。今日就搵來阿嫂劉心悠同型男羅仲謙齊齊試，睇吓係咪可以MixandMatch！
記者：梁學文
攝影：譚盈傑
服裝：MissSixty（Annie）、Energie（謙）
髮型：Eric、Jacky（ilcoupe）
化妝：MaggieYeung
傳統中式餅 翻新食味
今年經過翻新的Anytime無休館，除主打港式美食外，亦搜羅各地特色美食，然後再加以改良創製出獨特風味。師傅Stanley就想到用奇華餅家的出品，跟西式的甜品來個MixandMatch，製作出一系列甜心老點。奇華的甜點有五十多年歷史，如老婆餅、合桃酥和鳳梨酥等，味道當然夠傳統。師傅Stanley說：「奇華出品一向好好味，不過後生嘅一輩就未必識得欣賞，所以諗住出幾款用奇華甜點做嘅甜品，等多啲後生仔女試到傳統口味。」用傳統甜點做材料，最高難度是如何跟甜品作配襯。
西廚出身 味道要創新
師傅Stanley花了兩個多星期去試味和改良，他謂：「要保留傳統甜點嘅味道又要創新，都有一定嘅難度，要改完又試，試完再改，好似個合桃酥咁，開頭諗住做CheeseCake個餅底，但係試過又唔係好夾，就試吓做蘋果批層皮，點知一拍即合。」原來師傅Stanley是做西廚出身，入廚都有16年經驗，最拿手是做西式甜品。聽師傅講了這麼多，坐着等試的劉心悠（Annie）同羅仲謙已經流晒口水。一坐埋位，Annie就指着馬仔拿破崙大叫：「嘩！呢個好靚呀，我係咪可以試食㗎喇？」
馬仔拿破崙$32
師傅放棄用一般做拿破崙的酥皮層，改用腰果馬仔。先將馬仔雪凍，令馬仔夠實身同企身，之後一開二備用做夾層。然後將加入了杏仁碎的吉士忌廉，加入了忌廉增加了拿破崙的軟滑口感。最後加入鮮果粒，如奇異果和火龍果等，令馬仔拿破崙顏色更吸引。拿破崙入口除有吉士和鮮果味，還保留了馬仔的蛋香和蜜糖味。
試食短評
Annie：「我最鍾意係呢個，馬仔好好味，夠腍身唔使我點咬。呢個係我心水推介！」
謙：「我自細就好鍾意食馬仔，食咗成差唔多廿年，估唔到加咗忌廉同鮮果重好味。」
焗鳳梨西米布甸（前）
焗芝麻西米布甸（後）各$22
焗西米布甸是這裏受歡迎的甜品之一，師傅就想到加入鳳梨餡和黑芝麻餡。鳳梨茸一向都是跟住酥皮，沒想過加入在布甸之中少了酥皮，但菠蘿味就更突出。而黑芝麻布甸就好香口，跟布甸來個一濃一淡的對比。
試食短評
Annie：「個鳳梨布甸好有菠蘿味，好香甜。而芝麻布甸就好香，好似有種炭燒味。」
謙：「個芝麻布甸味道好濃郁，所以最好最後先試。」
雪糕紅豆批$32
紅豆批用牛油和雞蛋做皮，一焗起就好香牛油味。入面的中式紅豆茸，跟外面的西式牛油皮又出奇地夾。上碟時再放呍呢拿雪糕在批面，入口時就會一冷一熱，冰火感覺好過癮！
試食短評
Annie：「紅豆茸應該好甜，但係配埋雪糕同牛油皮，又中和番。」
謙：「一咬落去一冷一熱，真係好過癮！」
冬茸脆皮卷$22
平時食老婆餅就食得多，但是用老婆餅的餡做其他甜品真的是第一次。脆皮卷的餡除了做老婆餅的冬瓜茸之外，還有瓜子茸和芝麻。跟紅豆卷一樣，用春卷皮捲着炸，薄薄的皮又香脆無比。呍呢拿汁加或不加，冬茸卷同樣好味。
試食短評
Annie：「唔……唔……入面係咪老婆餅啲餡？好得意呀，咁樣食都幾好味喎。」
謙：「冬茸卷入口唔太甜，不過我都係鍾意紅豆卷多啲。」
玫瑰紅豆茸脆皮卷$22
用奇華紅豆批的紅豆茸做餡，然後再加入玫瑰花絲。再用春卷皮捲起炸，一炸起外面脆卜卜，入面的玫瑰紅豆茸就好有花香味。食時記得要趁熱，雖然有啲燙口，但放涼了外皮會因回水而變韌。
試食短評
Annie：「個紅豆卷甜甜哋，但係一啲都唔漏。」
謙：「我其實唔鍾意食甜嘢，不過呢個卷好易入口。」
Anytime無休館（21483388）
地址：銅鑼灣百德新街22-36號翡翠明珠商場一樓五號
座位：106個
營業時間：星期一至五11:30am-12:00mn
星期六、日或公眾假期11:00am-12:00mn
